Teksa të shtunën u duk sikur pati një rënie të rasteve të reja, nuk mund të thuhet e njëjta gjë për këtë të dielë.
Specialistja Gentiana Qirjako deklaroi se mes 170 të testuarve në 24 orët e fundit, janë konfirmuar pozitivë 12 persona.
Kujtojmë që të shtunën u regjistruan vetëm gjashtë raste të reja. Por lajmi i mirë është se nuk ka vatra të reja.
“Në 24 orët të fundit janë testuar 170 qytetarë të dyshuar si të prekur me Covid-19 dhe kanë rezultuar pozitivë 12 qytetarë, kontakte të rasteve të mëparshme. Shpërndarja e të prekurve me COVID19 është si vijon: 8 raste në Tiranë, 2 në Kamëz, 1 në Krujë dhe 1 në Fier. Të shëruar janë 23 qytetarë.”
Tjetër lajm i mirë është fakti se prej më shumë se dhjetë ditësh nuk regjistrohen humbje jete.
