Drejtoresha juridike e zyrës vendore të regjistrimit të pasurive të paluajtshme në Durrës, Merita Qato, dëshmoi këtë të martë në Gjykatën e Krimeve të Rënda, në seancën gjyqësore ndaj Emiljano Shullazit. Dëshmia e saj para trupit gjykues është bërë në lidhje me regjistrimin e ish-hotel “Vollgës” në ZVRPP-në e Durrësit.
Qato tha se në kohën kur u regjistrua objekti, ajo ishte me pushime. Sipas saj ajo e kishte mësuar diçka të tillë pasi pala tjetër që pretendonte pronësinë kishte bërë një ankim për regjistrimin.
5 anëtarët e arrestuar të grupit të strukturuar kriminal, akuzohen për shtrëngim me anë të kanosjes për dhënie të pasurisë ndaj disa biznesmenëve në Tiranë dhe në Durrës, si dhe shkatërrim prone me eksploziv.
