Gjykata e Tiranës vendosi të lërë në arrest shtëpie Redi Popeskun, pronari i lokalit në ish bllok ku u vra Fabiol Gaxhaj dhe u plagosën Ervis Martinaj dhe Elio Hato.
Popesku u arrestua dy ditë më parë nga policia e Tiranës, me dyshimin se dëshmia që ai ka dhënë para grupit hetimor pas ngjarjes, nuk është e saktë, dhe se ka fshehur pistoletën e Ervis Martinajt.
Por provat e mbledhura deri më tani nga prokuroria, nuk e bindën gjykatën duke bërë që kjo e fundit ta lirojë Popeskun nga qelia.
Për këtë ngjarje në pranga janë vënë Ervis Martinaj, me masë arresti me burg 30 ditë dhe burg pa afat për Elio Haton.
