Celibashi: Komisionerët të jenë të qetë, mos të ndikohen nga faktorë të jashtëm

Kreu i KQZ-së, Ilirjan Celibashi bën thirrje që puna e komisionerëve të mos ndikohet nda faktorë të jashtëm politikë.

Përmes një postimi në “Twitter”, Celibashi theksoi se trajtimi i problematikave të hasura deri tani nga ana teknike në disa qendra votimi merr zgjidhje përmes bashkëpunimit të të gjitha palëve politike dhe KQZ-së.

“Atmosfera e punës së komisionerëve duhet të jetë e qetë dhe e pandikuar nga faktorë të jashtëm politikë. Ti lemë të qetë të bëjnë punë e tyre. Trajtimi i problematikave teknike në bashkëpunim me të gjitha palët politike dhe me KQZ, mënyra më e mirë për zgjidhjen e problemit.”