Mihal Kokëdhima, pronari i lokalit në Porto Palermo që tmerroi turistët spanjollë me veprimet e tij të dhunshme, doli i qetë para gjykatës së Vlorës mëngjesin e së dielës.
Në prani të avokatëve, 51 vjeçari jo vetëm që nuk shfaqi pendesë për ngjarjen por u përpoq të justifikojë veprimet e tij duke mohuar të këtë sulmuar familjen Galdon dhe 2 të rinjt shqiptarë që i shoqëronin.
Kokëdhima deklaroi se donte vetëm ti ndalonte turistet, por është ndjerë i rrezikuar pasi sipas tij ata kanë dashur ta shtypin dhe për këtë arsye është detyruar të hidhet mbi furgon.
Megjithatë asnjë justifikim i Kokëdhimës nuk e bindi gjyqtaren e çështjes e cila edhe në bazë të kërkesës së prokurorit caktoi masën e sigurisë “arrest me burg” për 51 vjeçarin.
Avokatët mbrojtës kërkuan një masë më të lehtë sigurie si ajo e lirimit me garanci pasurore, e cila nuk u mor në konsideratë ndërsa pas seancës pretenduan se shoferi shqiptar që drejtonte fugonin ka qenë i dehur dhe kanë depozituar kallzim penal.
Mihal Kokëdhima i akuzuar për kanosje, demtime te tjera me dashje dhe shkatërrim prone, habiti jo pak edhe ne prag të nisjes se seances gjyqesore kur ne nje bisede te lirshme me avokatet u shpreh se kryeministrin Rama e ka mik.
Video e publikuar të shtunën me 51 vjeçarin që qëndron i varur mbi furgon për më shumë se 2 km duke thyer me grushte xhamin e fugonit ku udhëtonin turistet spanjollë solli indinjatën e mbarë opinionit publik.
Ndërkohë anëtarët e familjes spanjolle Galdon në takimin me ministrin e turizmit Blendi Klosi premtuan se do te kthehen sërish në shqipëri pas sipas tyre një individ nuk mund të përfaqesoje një vend te tërë.
