Ish-deputeti i Partisë Demokratike, Aldo Bumçi e lexoi ndryshe progres-raportin e Komisionit Evropian për negociatat. Duke folur në studion e lajmeve të “Vizion Plus”, Bumçi tha se negociatat mund të ishin hapur qysh para tre vjetësh sepse kushtet janë minimale.
“Ka vetëm një mënyrë për ta lexuar në fund të mandatit të dytë. Kjo qeveri nuk i ka hapur negociatat. Ato do të ishin lehtësist të hapura para 3 vitesh nëse do të kishte patur një vullnet minimal. Janë kushte minimale. Nuk na ka vënë Evropa ne kushte të vështira, Evropa ka mbyllur sytë për disa gjëra. Ata thonë Gjykata e Lartë është funksionale, kur janë vetëm tre anëtarë në detyrë. Edi Rama s’ka plotësuar as minimalen, kur s’plotëson kushtet për filloren, si mund të të jepet shkolla e lartë. Të mos kesh Gjykatë Kushtetuese nuk është normale. Nuk është prej reformës në drejtësi.”
Sa i takon votimit të Kodit të ri Zgjedhor, Aldo Bumçi vuri në pah se konsensusi në këtë pikë është kusht kryesor nga BE për negociatat. Ai akuzoi kryeministrin Edi Rama se po pengon koalicionet para zgjedhjeve sepse është i frikësuar.
“Edhe kur kemi qenë shumë larg negociatave, ne reformat zgjedhore i kemi bërë me marrëveshje. Komisioneri, edhe Parlamenti Evropian, edhe Bundestagu gjerman që reforma zgjedhore është kusht. Bëri ndryshimetr kushtetuese në Kod sepse do të shmangë koalicionet, po të kishte marrëveshje, nuk do ta arrinte këtë gjë. Ngaqë është i vetëm dhe nuk mund të bëjë koalicion, do të pengojë të tjerët. Rama po shkel rregullat e lojës, kjo tregon frikë. Presidenti do ta kthejë Kodin. Komisioneri sot tha se kusht i panegociueshëm është reforma zgjedhore. Rama thotë se mua nuk më interesojnë Evropa dhe negociatat, por do ta bëj për interesin tim.”
Ish-deputeti Aldo Bumçi u bëri thirrje qytetarëve ta ndëshkojnë me votë në datën 25 prill Edi Ramën.
