Masa të larta sigurie në kryeqytetin belg, ndërsa qeveria vendosi të hapë pjesërisht aeroportin Zaventem, pas sulmeve terroriste që goditën këtë ndërtesë më 22 mars. Aeroporti do të funksionojë në 20% të kapacitetit të tij, që do të thotë lejimin e fluturimeve për 800 persona për orë. Hapja e fluturimeve ka rritur ndjeshëm forcat e rendit, të cilët po kontrollojnë rreptësishtë çdo pasagjer dhe bagazhet e tyre. Kjo çështja është dhe temë diskutimi i Këshillit të Sigurisë këtë të premte, për masat e mëtejshme që duhen marrë. Me herët në një postim në twitter, kryeministri belg Mishel theksoi se po punohet për hapjen sa më pare të aeroportit, por dhe për sigurinë maksimale të pasagjerëve. Rifillimi i fluturimeve nga Brukseli vjen një ditë pas vendimit të Gjykatës për të lejuar ekstradimin e terroristit Salah Abdeslam ne Francë, për t’u përballur me drejtësinë atje. Vetë Abdeslam ka theksuar se dëshiron të bashkëpunojë me autoritetet franceze për sulmet e nëntorit te vitit të kaluar në Paris, që u porën jetën 130 personave.
