BKH-së kontroll të befasishëm në burgun e Bradasheshit, sekuestrohen telefona në qelinë e Ergys Agasit

Punonjës të Byrosë Kombëtare të Hetimit kanë zhvilluar një kontroll të befasishëm në ambientet e burgut të Bradasheshit.

Sipas një punonjësi të burgjeve, gjatë kontrollit në qelinë ku qëndron Ergys Agasi janë gjetur dhe sekuestruar disa telefona celularë.

Deri në këto momente, nuk ka të dhëna të tjera zyrtare mbi numrin e pajisjeve të sekuestruara apo rrethanat në të cilat ato janë gjetur.

Kontrolli vjen vetëm pak orë pas shkarkimit të Adriatik Kupit nga detyra e Drejtorit të Përgjithshëm të Burgjeve.