Kreu demokrat Lulzim Basha akuzon kryeministrin Rama se grabit e plaçkit vendin me një grusht biznesmenësh grabitqarë.

 

Në një postim në Facebook, Basha teksa ka shëprndarë e një video ku rendit abuzimet, thekson se qeveria nuk po bën asgjë për njerëzit e thjeshtë dhe se nuk po lejon që asnjë njeri tjetër që të investojë paratë e tij në Shqipëri.

 

“Shqipëria po plaçkitet dhe po shkatërrohet nga Edi Rama me një grusht biznesmenësh grabitqarë që ndajnë paratë dhe pasuritë me njëri tjetrin. Edi Rama dhe këta oligarkë grabitqarë nuk bëjnë asgjë për njerëzit e thjeshtë. Ata vetëm vjedhin me koncesione, me PPP, me tendera, me leje ndërtimi, me ligje speciale dhe me çdo mënyrë që munden. Ata nuk lejojnë asnjeri tjetër të krijojë, të konkurojë, të ndërtojë, të provojë. Paratë tuaja, paratë e shqiptarëve po i vjedh Hajduti Psiqik me familjen dhe miqtë e tij. Pasurohen të pushtetshmit dhe të pasurit, varfërohen njerëzit e thjeshtë dhe të pambrojtur. 1 në 3 familje shqiptare nuk kanë të hanë sepse paratë e tyre i ka vjedhur Edi Rama.”

 

Sipas kreut demokrat, miliona euro janë vjedhur e abuzuar nga kryeministri Rama këto 6 vjet. Duke e cilësaur si një mjeshtër të mashtrimit, Basha thotë se kryeministri nuk ka mbajtur asnjë premtim të bërë ndaj qytetarëve.

 

“Miliarda euro janë vjedhur, abuzuar dhe shpërdoruar nga Edi Rama këto 6 vjet. Të gjitha kanë përfunduar në xhepat e Hajdutit Psiqik ose janë shpërdoruar për tekat e tij në fasada dhe lluks. Shqiptarët janë pa punë sepse ekonominë dhe mundësitë ekonomike i kanë marrë oligarkët dhe klientët e Edi Ramës. Hajduti Psiqik dhunon të vegjlit dhe të varfërit dhe u shërben kriminelëve, të fortëve dhe oligarkëve. Edi Rama është artist i mashtrimit. Çdo gjë që ka premtuar, çdo gjë që ka thënë ka qenë mashtrim me qëllim për të vjedhur. Çdo projekt, program dhe politike i Hajdutit Psiqik është mashtrim për shqiptarët në shërbim të oligarkëve.”

 

Sipas Bashës, e vetmja rrugëzgjidhje për shqiptarët është largimi I kryeministrit Rama nga pushteti.

 

Leave a Reply

Your email address will not be published. Required fields are marked *