Kandidatët në garë për Kreun e Partisë Demokratike Lulzim Basha dhe Gjergji Hana po vijojnë fushatën, për kreun e Pd, zgjedhjet e se cilës do të mbahen në 29 korrik sipas parimit një anëtar një votë.
Lulzim Basha që është në garë për tu rikthyer në krye të PD ka zhvilluar një takim me strukturat e Partisë Demokratike të degës nr. 2 në Tiranë.
Ai tha para qytetareve se fokusi i platformës së tij për ndryshim është tek e ardhmja, për t’u kthyer shqiptarëve besimin te vota dhe politika dhe për ta kthyer Partinë Demokratike në alternativën qeverisëse që shqiptarët meritojnë.
Ne do të përkushtojmë çdo energji në hapjen, vitalizimin dhe modernizimin e strukturave të Partisë Demokratike.Sot ne kemi përgjegjësinë të japim një model tjetër në politikbërjen e vendit, që ka në fokus shpresat dhe ëndrrat e njerëzve, jo hallet e pak politikanëve.Aleancë Qytetare për Demokracinë, do të jetë koalicioni ynë për të çliruar ekonominë dhe për të çuar përpara ndryshimet kushtetuese që do të zhbëjnë ato të 2008-ës, duke mundësuar:
✅ Listat e hapura;
✅ Vetting-un e politikanëve;
✅ Votën e diasporës;
✅ Kufizimin e mandateteve.
Partia Demokratike mund të sjellë këtë ndryshim, në bashkëpunim të ngushtë me qytetarët dhe partnerët tanë ndërkombëtarë, duke i dhënë çdo shqiptari fuqinë për të ndërtuar të ardhmen që meriton!
