Ish deputeti i PD, Klevis Balliu ka publikuar një foto nga stadiumi “Air Albania” ku nesër pritet të mbahet Kuvendi i thirrur nga ish kryeministri Sali Berisha.
Balliu shkruan se nesër do të shpërtheje uragani i Foltores kundër pazareve të korruptuara të politikës.
“Gati për rithemelimin e Partisë Demokratike. Bllofet e peng Bashës nuk na ndalojnë dot. Uragani i Foltores shpërthen nesër me votë kundër pazareve të korruptuara të politikës meskine antishqiptare. Nesër shkarkojmë pengun e më pas shkarkojmë pengmarrësin. Për një PD më të fortë, më të bashkuar dhe më të hapur”, shkruan Balliu.
