Antidroga dhe policia aksion në Fier, kontrolle në pallate pas denoncimeve të banorëve

Policia e Fierit, në bashkëpunim me agjentët e antidrogës, ka ndërmarrë një sërë kontrollesh të befasishme në zonat e banuara, duke përfshirë lagje dhe blloqe pallatesh. Operacionet synojnë identifikimin dhe goditjen e grupeve që merren me trafikimin e lëndëve narkotike, si dhe evidentimin e përdoruesve të rinj.

Sipas autoriteteve, veprimet janë ndërmarrë pas raportimeve të përsëritura nga banorët, të cilët kanë shprehur shqetësimin për prani të dyshuar aktivitetesh kriminale, sidomos në ambiente të izoluara pranë pallateve.

Pamjet nga një prej kontrolleve të fundit tregojnë një prani të shtuar të efektivëve në terren, me ndalime dhe verifikime të menjëhershme të personave të dyshuar. Policia thekson se këto aksione do të vijojnë në mënyrë të pandërprerë, si pjesë e përpjekjeve për të rritur sigurinë dhe për të parandaluar përhapjen e drogave në komunitet.

/vizionplus.tv