Përfundon takimi mes ambasadores së re të SHBA-ve, Yuri Kim dhe kryetares së LSI-së, Monika Kryemadhi.
Takimi që u zhvillua në selinë e kësaj partie politike, zgjati 75 minuta. Ky takim realizohen në vazhdën e prezantimeve që diplomatja ka zhvilluar me personazhe të politikës apo dhe institucioneve shqiptare.
Në qendër të bisedave ishin situata politike në vend dhe vijimi i Reformës zgjedhore.
Këto ditë, Monika Kryemadhi përfundoi edhe një vizitë zyrtare në SHBA, ku ka shkëmbyer eksperiencat e saj me shumë figura të njohura.