Një aksident është regjistruar në Korçë ditën e sotme, ku një mjet tip “Benz” ka goditur një mjet tjetër të parkuar dhe më pas është përmbysur në mes të rrugës.
Ngjarja ka ndodhur brenda në qytet në afërsi të repartit të zjarrfikëses.
Sipas informacioneve paraprake, bëhet me dije se brenda automjetit tip “Benz” ka qenë duke udhëtuar një çift bashkëshortësh ku papritur drejtuesi i mjetit nuk është ndjerë mirë, duke humbur kështu edhe kontrollin e mjetit.
Fatmirësisht, çifti ka marrë vetëm lëndime të lehta.
Policia ndodhet në vendin e ngjarjes për zbardhjen e rrethanave të rastit ndërsa ambulanca ka bërë transportimin në urgjencë të dy personave të lënduar.
