Ministri i mbrojtjes i Izraelit paralajmëroi të premten Hamasin të pranojë një plotëson kërkesat e tij.
Në një deklaratë, Ministri i Mbrojtjes, Israel Katz, tha se ushtria po vepronte në Gaza “me forcë të plotë”, duke shtuar: “Vrasësit e Hamasit tani do të detyrohen të zgjedhin: të pranojnë kushtet e ‘Marrëveshjes Witkoff’ për lirimin e pengjeve, ose të shkatërrohen”.
Hamasi tha të premten se po shqyrtonte ende propozimin e SHBA-së për një armëpushim të përkohshëm në Gaza.
Presidenti i SHBA-së, Donald Trump, tha të premten se beson që një marrëveshje për armëpushim në Gaza midis Izraelit dhe Hamasit është “shumë afër”.
“Ata janë shumë afër një marrëveshjeje për Gazën”, u tha Trump gazetarëve gjatë një konference të përbashkët për shtyp me Elon Musk në Shtëpinë e Bardhë.
“Do t’ju njoftojmë për këtë gjatë ditës ose ndoshta nesër.”
Hamasi shqyrton propozimin për armëpushim
Por plani i armëpushimit deri më tani ka marrë një reagim të ftohtë nga Hamasi.
Negociatorët amerikanë nuk i kanë publikuar kushtet e propozimit. Por një zyrtar i Hamasit dhe një zyrtar egjiptian, duke folur në kushte anonimiteti, thanë të enjten se propozimi kërkon një pauzë 60-ditore në luftime, garanci për negociata serioze që do të çojnë në një armëpushim afatgjatë dhe siguri se Izraeli nuk do të rifillojë armiqësitë pas lirimit të pengjeve, siç bëri në mars.
Në një deklaratë të shkurtër të lëshuar të premten, Hamasi tha se po zhvillon konsultime me fraksionet palestineze mbi propozimin që kishte marrë nga Witkoff./vizionplus.tv
