Ekzekutimi i masës së sigurisë “arrest shtëpie” për shefin e IT-së në Policinë e Shtetit, Ervin Muça ka sjellë përplasje mes deputetit demokrat Lefter Gështenja dhe atij socialist Petro Koçi.
Të ftuar në studion e “Quo Vadis” në Vizion Plus të moderuar nga Pranvera Borakaj, dy deputetët kanë komentuar një deklaratë të ministrit Balla më 30 gusht 2023, i cili mohoi se kishte ndërhyrje në sistemin e të dhënave TIMS. Ndërsa deputeti demokrat Flamur Noka, ditën e sotme deklaroi se arrestimi i Muçës u bë për të shpëtuar Taulant Ballën.
Petro Koçi: Ka filluar një proces hetimor, kaq di unë. Nuk kam më shumë informacion.
Flamur Noka deklaroi sot (10 prill 2024): Arrestimi i tij (Ervin Muça) duhej bërë për të shpëtuar Taulant Ballën.
Taulant Balla deklaroi më 30.08 2023: Nga TIMS nuk ka rrjedhur asnjë e dhënë dhe nuk ka pasur asnjë problematikë.
Koçi: Nuk ka asgjë kontradiktore. Zoti Balla ka thënë që çdo e dhënë që administrohet nga Shërbimi i Mbikëqyrjes Policore, nëse ka elementë që duhen vlerësuar nga Prokuroria, t’i dërgohen Prokurorisë. Ministri flet në raport me të dhënat që ka deri në atë moment.
Gështenja: Jemi mësuar me këtë politike që kryeministri apo ministrat bëhet mburrojë për çdo rast abuzim. Menjëherë i pari në mbrojtje del kryeminsitri dhe pastaj ministri. Kryeministri thotë “ka ndodhur diçka teknike, por nuk ka asgjë për tu shqetësuar.” Sot Prokuroria ka zbuluar se janë kopjuar të dhënat. Mjafton të dëgjosh argumentat e mazhorancës që e kanë kundërshtuar me forcë ngritjen e komisioneve hetimore. Sot duket që opozita kishte të drejtë në kërkesën e saj për ngritjen e një komisioni hetmor. Sot provat dhe faktet janë të mjaftueshme që ky komision duhej të ngrihej dhe është i vonuar.
Koçi: Mos ngatërrojmë kekukn me byrekun. Ne i kemi thënë “Po” Komisioneve Hetimore. Ka ikur koha kur zinxhiri komandues i gardës nuk lejohej të çohej në Prokurori. Iku koha kur ish shefi i SHIK-ut mbrohej nga gardiani politik Sali Berisha. Në gjithë atë që tha Balla si ministër s’ka asnjë mbrojtje. Ai foli në raport me informacionin që zotëronte. /vizionplus.tv
