Sa herë mund të jeni ndjerë të gjykuar nga familja, miku, apo ndonjë fqinj i juaji?
Çështja e gjykimit i prek të gjithë në një mënyrë ose në një tjetër dhe e vetmja mënyrë për të mos përfunduar viktimë, është të dish të menaxhosh frikën nga gjykimi i njerëzve. Gjithashtu të mësosh të marrësh vetëm të mirën (kur ajo ekziston), nëse nuk ka, atëherë mjafton ta shmangni.
Si ta menaxhoni frikën nga gjykimi i njerëzve të tjerë dhe të jetoni të lumtur:
1.Dijeni se ajo që njerëzit thonë, flet më shumë për vetë ata
Duhet të keni parasysh se kur njerëzit bëjnë gjykime, ata nuk flasin për ju, por për veten e tyre. Ndoshta të tilla situata që ai përpiqet t’i gjykojë mbi ju, në të vërtetë i ka përjetuar vetë.
2.Jo çdo gjë që thonë të tjerët është e drejtë
Shpesh ndikohemi nga fjalët e të tjerëve dhe duke i vendosur kushte veprimeve dhe mendimeve tona. Në mendjen tonë ekziston e drejta dhe e gabuara. Në rastet kur zgjedhjet tona nuk janë idealisht të drejta siç na e thotë mendja, atëherë fillon pasiguria nëse duhet të dalim jashtë kornizave apo të veprojmë si gjithë të tjerët. Edhe nëse gaboni, mbani mend se do iu bëhet mësim për një herë tjetër, e cila është më e vlefshme sesa të ecësh gjithnjë sipas mendjes së njerëzve.
3.Gjithmonë pyesni veten se pse po flet ky person.
Kur dëgjoni mendimin e të tjerëve, gjithmonë duhet të pyesni veten pse ai person po jua thotë atë gjë. Ndonjëherë ne flasim në bazë të përvojës sonë, herë të tjera mbi një mendim që i përket një brezi të ndryshëm nga i yni, për shembull siç bëjnë prindërit. Nëse personi të cilit i besoni ju bën pyetje për t’u kuptuar më mirë, pa dhënë përgjigje të caktuara, atëherë duhet t’i dëgjoni. Përndryshe, më mirë t’i shmangni sepse në fund të ditës gjithsecili mendon për interesat e tij.
