Kreu i Partisë Demokratike, pak ditë më parë kërkoi nga strukturat të përdorin sa më shumë rrjetet sociale për të komunikuar me shtresën gri, pa të cilën ai tha se nuk fitojnë dot.
E duket se ka qenë vetë i pari që e ka ndërmarrë një hap të tillë.
Berisha njotoi se ka hapur adresë TikTok-u, si një platformë të re për të komunikuar me rininë.
“Të dashur miq,
Sot nis një dialog me të rinjtë shqiptarë në kanalin tim zyrtar TikTok.
Sipas dëshirës, ju ftoj të më ndiqni!”, shkruan Berisha në Facebook.
TikTok, një platformë mjaft e përdorur nga të rinjtë, ka tërhequr një vëmendje të shtuar kohët e fundit, çka ka bërë që edhe kryedemokrati t’i kushtojë vëmendje pak muaj para zgjedhjeve vednore dhe të “ecë me hapat e kohës”.
