Një ditë pasi Gjermania ndaloi vaksinimin me Astrazeneca për personat nën moshën 60 vjeç, Agjencia Europiane e Barnave deklaroi se nuk ka asnjë provë që e mbështet një vendim të tillë.
Shefja ekzekutive, Emer Kuk theksoi se hetimet e deritanishme nuk gjetën asnjë lidhje shkakësore mes vaksinës dhe rasteve të rralla të mpiksjes së gjakut, megjithatë do të vijojë shqyrtimi i mëtejshëm.
Agjencia Europiane e Barnave nënvizon se sipas njohurive aktuale shkencore, nuk ka asnjë provë që do të mbështeste kufizimin e përdorimit të vaksinës Astrazeneca në çdo popullësi.
