Protesta e tretë e shoqërisë civile për të kërkuar drejtësi për vrasjen e Klodian Rashës është shoqëruar me të tjera përplasje të forta dhe me shumë arrestime. Tubimi i mbrëmjes vetëm pak caste ishte paqësore, më pas çdo gjë u spostua në rrugët e Tiranës. Protestuesit shkatërruan sërish tabelat e sinjalistikës, semaforët dhe kazanët e plehrave.
I ftuar në Spotlight nga Alban Dudushi, në Vizion Plus, ish-ministri Neritan Ceka ka deklaruar se nësë kjo gjendje vijon njëlloj, mund të na çojë në ‘97-ën.
Neritan Ceka: Kërkesat janë të drejta. Forma ka mbaruar. Forma e cila kishte sens ditën e parë dhe të dytë ku diferencohej qartë masa racionale e njerëzve nga të rinjët, të vegjlit, të cilët vijnë aty edhepër ta trajtuar si lojë, por i kanë sjellë një dëm, qoftë çështjes, protestës, qytetit se po e fusin në kaos.
Alban Dudushi: Kush i ka sjellë këta në shesh?
Neritan Ceka: Ato që thonë se i ka sjellë Presidenti, apo që i paguajnë duhen çuar tek psikiatri. Këta nuk i mbledh dot. Vijnë dhe ikin për arsye krejt të panjohura për ne deri më sot.
Alban Dudushi: Që nga viti ’98, kur protestat e asaj kohe, në një masë degjeneronin me thyerje, shpërthime dyqanesh, deri më sot, protestat që janë bërë në të vërtetë nuk kanë pasur degjenerime të këtij lloji, dhunë jo ndaj Policisë si force armiqësore, godinave qeveritare, por dhunë ndaj qytetit. Nuk i kemi parë këto gjatë gjithë kësaj periudhe. Sot, këto tre ditë janë përherë të parë që dalin.
Neritan Ceka: Kjo është shprehje e një vendi modern. Ajo që më shqetëson, është se kjo gjendje në qoftë se vazhdon, mund të na çojënë ’97-ën, sepse këtu mungon pushtetit, mungon opozita. Këta që kanë marrë sot pushtetitn, duke eleminuar opozitën e quajtën si lumturi, po aq sa e quajti Berisha në ’96-ën.
