Policia britanike ka identifikuar autorin e sulmit terrorist të një dite më parë, pranë ndërtesës së parlamentit në Londër. Ai është 52-vjeçari Kahlid Masood, i lindur në Kent.
Masood nuk rezulton të ketë qenë së fundi subjekt i ndonjë hetimi policor, por ka pasur një sërë dënimesh të mëparshme, përfshirë atë për armëmbajtje dhe shkelje të rendit publik. Nuk ka pasur ndonjë informacion nga shërbimet sekrete mbi qëllimin e tij për të kryer sulmin. Ai asnjëherë nuk është dënuar për krime, që lidhen me terrorizmin.
Përgjegjësinë për sulmin e mori ISIS, që deklaroi se xhihadisti qe vrau tre persona dhe plagosi 40 te tjerë ne Uestminster ishte pjese e grupit terrorist. Ne një deklarate te publikuar ne agjencinë Amak, grupi pranoi se agresori ishte nje ushtar i shtetit islamik. Nga 29 personat e plagosur që gjenden ende në spital, 7 janë në gjendje kritike.
Ne nje fjalim te mbajtur ne parlament, kryeministrja Tereza Mei tha se autori ishte i njohur per policinë dhe shërbimet sekrete, qe ishte hetuar disa vite me pare per ekstremizëm te dhunshëm. Zonja Mei shtoi se ai ishte nje personazh periferik dhe per këtë arsye nuk ishte nen mbikëqyrje te shërbimeve sekrete dhe se nuk kishte informacione paraprake te inteligjencës per qëllimet e tij.
Ndërkohë, forcat e antiterrorit kane arrestuar tete persona, pas bastisjes se gjashte apartamenteve ne Londer dhe Birmingam, aty ku tre nga te ndaluarit janë prangosur ne ate qe besohet se ishte banesa e autorit te sulmit. Dëshmitaret thane se ne atë banese ishin pare te hynin e dilnin njerëz qe flisnin ne telefon me theks arabik ose pakistanez. Nga hetimet rezultoi se makina e autorit ishte marrë me qera në Birmingham.
