Më shumë se 2.2 miliardë persona në Amerikën Latine, atë të Veriut, Afrike, Azinë Jugore dhe Australi jetojnë në zona ku virusi Zika gjen terren dhe mund të përhapet me shpejtësi. Alarmi është dhënë nga një grup prej 18 studiuesish, të cilët kanë publikuar një artikull në revistën shkencore britike “e-life” me titull “harta botërore e ambientit te përshtatshëm per virusin Zika”. Studiuesi, Oliver Bredi nga universiteti i Oksfordit tha për BBC së se hartat e dala nga studimi, ofrojnë një pamje të qartë të kushteve gjeografike dhe mjedisore të vendeve ku gjenden mushkonjat. Ai u bën thirrje të gjithë qytetarëve që jetojnë në këto rajone që të tregohen të kujdesshëm përballë çdo simptome të këtij virusi, siç janë ethet, dhimbjet e forta të kokës dhe pafuqia. Virusi Zika është futur në listën e prioriteteve të Organizatës Botërore të Shëndetësisë. Efektin më të madh ky virus e ka kur prek gratë shtatzëna. Foshnjat e prekura lindin me një kokë më të vogël dhe me tru të pa zhvilluar.
Rreziku nga virusi “Zika”
