Kryedemorkati Sali Berisha zhvilloi takimin e radhës me qytetarët e Korçës. Prania e Berishës në Korçë përkoi me 35-vjetorin e themelimit të degës së PD në qytetin juglindor.
Në fjalën e tij Berisha theksoi se PD është e vetmja forcvë politike e në vendet ish-ko0muniste që vijon të jetë e fortë.
Ai tha se PD arriti t’i bëjë ballë projektit “Shqipëria pa opozitë”, dhe se sot vijon të hetë e vetmja shpresë për shqiptarët.
“Ne vijmë në këtë 35-vjetor si e vetmja parti pa asnjë tjetër, në të gjitha vendet ish-komuniste, që jemi gjallë, në këmbë, të fortë dhe të sigurtë në fitore. Jemi një forcë ndaj të cilës në mënyrë të padrejtë u morën akte brutale, të turpshme, në projektin Shqipëria pa opozitë, projekt për copëtimin e saj, me qëllimin Shqipëria pa opozitë. Për izolimin më të thellë të forcës më properëndimore në historinë e kombit, megjithatë ne triumfuam. Ne u ringritëm me kauzat tona, nga izolimi, si feniksi nga hiri u ringritëm. Donin të na shkatërronin, kauzat tona u sanksionuan me 7 rezoluta. Rama donte të na zhdukte, si diktaturë, që ka përqendruar të gjitha pushtetet në duart e tij”, tha Berisha.
Ndërsa kreu i PD zhvillonte “Foltoren” në Korçë, ish deputeti demorkat, Ervin Salianji tashmë i përjashtuar nga aprtia, vijonte takimin me demokratët e Shkodrës.
