Një 27-vjeçar në Shkodër ka humbur jetën mesditën e kësaj të premte.
Policia njofton se i riu me iniciale E.K duke punuar në një magazinë për të vendosur disa panele diellore, ka rënë në kontakt me energjinë elektrike.
“Informacion paraprak/Rreth orës 11:40, në qytetin e Koplikut, shtetasi E. K., 27 vjeç, dyshohet se duke punuar në një magazinë për të vendosur disa panele diellore, ka rënë në kontakt me energjinë elektrike dhe si pasojë, ka humbur jetën”, njofton policia.
Grupi hetimor po punon për sqarimin e rrethanave të ngjarjes./vizionplus.tv
