Kryeministri Edi Rama, teksa ka zhvilluar një bashkëbisedim me komunitetin e biznesit, u është përgjigjur pyetjeve dhe shqetësimeve të tyre.
Një përfaqësues i biznesit, e pyeti kryeministrin se ku ndryshon paqja fiskale nga amnistia dhe se cilat janë kriteret që duhet të përmbushen.
Lexo edhe :
Rama në fjalën e tij tha: “Dallimi është shumë i thjeshtë dhe shumë i qartë. Këtu bëhet paqe me të gjithë ata të cilët nuk janë në konflikt me ligjin, nuk janë në procese penale të hapura, nuk janë në procese gjyqësore të hapura të cilat afektojnë lëgjitimitetin e të ardhurave. Për pjesën tjetër, është sicc shkruhet në ligjin e miratuar.
Asnjë kriter të posaçëm nuk do ketë. Nëse nuk janë në konflikt me ligjin apo nëse nuk kanë rekorde ligjore që vënë në dyshim legjitimitetin e sipërmarrjes, do të përfitojnë nga paqja fiskale. Këtu po flasim për sipërmarrjen e mesme dhe të madhe. Ndërsa biznesi i vogël nuk ka tatim fitimi. Do të vazhdojë të mos paguaj tatim fitimi deri në vitin 2029. Kjo e ka ndihmuar biznesin e vogël të fuqizohet”./vizionplus.tv
