Kryeministri Edi Rama, së bashku me ministrin e Financave Petrit Malaj, dhe ministren e Ekonomisë dhe Inovacionit, Delina Ibrahimaj, ditën e sotme zhvilluan një takim me komunitetin e biznesit, në një dialog të hapur për nisjen e një kapitulli të ri bashkëpunimi, që synon formalizimin dhe rritjen e qëndrueshme ekonomike duke përgatitur sipërmarrjen për procesin e integrimit europian.
Rama tha se paqja fiskale është një zotim i fushatës elektorale dhe sot është ligj, ndërsa theksoi se zbatimi i nismës do të fillojë në janar të vitit 2026.
Lexo edhe :
Related Posts
Rama: Ne sot jemi në kushtet, kur duke filluar nga janari i vitit të ardhshëm mund ta zbatojmë këtë nismë. Është një nismë për të ndërtuar një urë të re besimi dhe ndërveprimi të shëndetshëm mes administratës tatimore dhe sipërmarrjes. Nuk është një shpikje e jona. Vetë togfjalëshi “paqe fiskale” ka lindur në Romën e vjetër dhe është një instrumet i përdorur me mijëra vjet tanimë. Së dyti është një instrument për t’i dhënë mundësi të gjithë sipërmarrjeve që nuk janë në konflikt me ligjin që të rishikojnë pasqyrat e tyre fiskale të viteve të shkuara. Ky rishikim u jep mundësi sipërmarrjeve të korrigjohen duke ribërë deklarimet e viteve të shkuara dhe duke pasur si motivim një tatim shumë më të ulët mbi fitimin se sa tatimi që paguani rregullisht. Për çdo pasqyrë të korrigjuar, fitimi tatohet vetëm 5%.
Kjo rrit formalizimin, nuk cenon integritetin ligjor të gjithë këtij ndërveprimi dhe ndihmon një proces ku sipërmarrja fokusohet më shumë te puna dhe te sfidat e veta pa pasur barrën e të metave të të shkuarës. Gjobat sipas periudhave de sipas vjetërsisë së tyre shkojnë nga fshirja totale te pagimi përmes disa kësteve me lehtësira. Në themel paqja fiskale ka marrëveshjen me sipërmarrjen mbi përcaktiminm e tavanit të ri të fitimit./vizionplus.tv
