Kosova ka regjistruar gjatë 24 orëve të fundit 7 humbje jete dhe 69 raste pozitive me koronavirus, nga 532 testime të kryera.
Autoritetet shëndetësore kanë raportuar këtë të enjte 107 pacientë të shëruar, ndërsa numri i përgjithshëm i të shëruarve deri më tani është gjithsej 11.033. Numri më i lartë i rasteve ditore ëshë shënuar në Prishtinë, ndjekur nga Mitrovica.
Që prej fillimit të pandemisë, Kosova shënon në total 14.446 të infektuar dhe 581 viktima. Po ashtu, numërohen 2.832 raste aktive.
