7 orë në “luftë” me dallgët dhe erën/ 160 pasagjerët e bllokuar mbërrijnë në port

Pas rreth 7 orësh në det në kushte ekstremisht të vështira, trageti i linjës Brindisi-Vlorë më në fund është ankoruar pranë kalatës së Portit të Vlorës.

Rreth 160 pasagjerë kanë qëndruar kështu për orë të tëra në tragetin e vendosur në Radë për shkak të erës së fortë dhe dallgëve me forcë rreth 7-8 ballë, në shpejtësinë e erës 15 m/sec.

Pasagjerët në target ishin të moshuar dhe fëmijë, të cilët kanë ndjerë peshën e lodhjes dhe vështirësisë së qëndrimit në traget në mes të dallgëve në det. Mjetet e tyre janë dëmtuar nga situata e krijuar dhe përplasja e tragetit me dallgët e fuqishme të detit.