Dhjetë mjete zjarrfikëse, përfshirë katër nga ushtria dhe automjete të zjarrfikësve të Mallakastrës, Fierit dhe kompanisë Albpetrol, po vijojnë operacionin për shuarjen e plotë të vatrave të zjarrit në masivin pyjor të Drenovës, në zonën e Gorishovës dhe Belishovës.
Pavarësisht terrenit të vështirë, situata aktualisht është nën kontroll të plotë. Vatrat aktive janë të shoqëruara vetëm me tym dhe nuk përbëjnë rrezik për përhapje të mëtejshme.
Autoritetet lokale bëjnë të ditur se, nëse konditat e erës mbeten të qëndrueshme, pritet që deri në mesditë zjarri të neutralizohet plotësisht.
Operacioni është pjesë e një koordinimi mes strukturave vendore dhe forcave të armatosura, ndërsa monitorimi vijon në mënyrë të pandërprerë për të shmangur riaktivizimin e flakëve.
/vizionplus.tv
