Universiteti Fan Noli në Korçë ka nisur pregatitjet e zgjedhjeve për autoritetet dhe organet drejtuese të cilat do të zhvillohen më 8 maj.
Për herë të parë për të gjithë kandidatët do të kryhet verifikimi i performancës apo integritetit profesional nëpërmjet kontrollit të doktoraturave për plagjiaturë apo edhe nëpërmjet verifikimit ligjor të titujve shkencorë.
Rektori prof. dr. Ali Jashari tregon se kjo do të kryhet nëpërmjet një softëare ku do të kontrollohen të gjitha punimet e doktoraturave nëse kanë ngjashmëri apo jo me punime të tjera në të gjithë botën:
Me përfundimin e verifikimeve komisionet do të japin dëshmi për kandidatët, pa të cilat ata nuk kanë të drejtë të regjistrohen për tu zgjedhur.
I gjithë ky proces verifikimi do të kryhet brenda një muaji dhe vetëm pas përfundimit të tij, do të dalin edhe kandidatët zyrtarë për autoritetet dhe organet drejtuese në universitetin Fan Noli të Korçës.
Ndërkohë të hënën pritet të diskutohet dhe miratohet nga senati akademik, rregullorja e zgjedhjeve, ku gjithashtu do të vendoset edhe për ngritjen e dy komisioneve të lidhura me këtë proces që janë komisioni institucional zgjedhor dhe komisioni i apelimit.
