Alfred Rushaj deklaroi se nëse PD vjen në pushtet, ministrat do ta lënë mandatin e deputetit. Këtë deklaratë ai e bëri mbrëmjen e kësaj të hëne, teksa ishte i ftuar në emisionin “Quo Vadis”.
“Është diçka që është diskutuar dhe do të ndodhë ne qeverisje. Ministrat do të lënë postet e tyre të deputetëve.”
Rushaj u pyet edhe për vendimin që mori PD dhe LSI për të mos dalë me një listë të përbashkët në zgjedhjet e 25 prillit, e ku mohoi të jetë regjistruar ndonjë përplasje apo mosmarrëveshje midis dy forcave politike
“Kemi bërë listën që mendojmë se është fituese”, theksoi ai.
Sa i përket kandidatëve për deputetë të PD, Rushaj nënvizoi se në listën e demokratëve bëjnë pjesë persona me integritet dhe që kanë ardhur nga një karrierë normale brenda forcës politike.
