U godit me leva dhe sende të forta në mes të ish-Bllokut, dyshohet se avokati i Berishës u dhunua për çështje pronësie

Një nga avokatët e Sali Berishës, Sokol Mëngjesi është dhunuar ditën e sotme ne grushte në zonën e ish-bllokut.

Vizion Plus mëson se avokati është goditur edhe me leva dhe sende të tjera të forta nga tre persona ende të paidentifikuar.

Lexo edhe :

Related Posts

Dhunimi i Sokol Mëngjesit, autorët të pamaskuar, u afruan dhe e goditën me leva

Dhunohet avokati i Sali Berishës, Sokol Mëngjesi përfundon në spital

Në gjendje të rëndë pas dhunimit, avokati Sokol Mëngjesi futet në intubim

Paraprakisht dyshohet se ngjarja ka ndodhur për çështjen e një pronësie. Esido Barkaj, gazetari i Vizion Plus mëson se Mëngjesi ka qenë duke çuar vajzën në kopsht.

Pasi të marrë mjekim, pritet që të merret në pyetje.

Policia e Shtetit në një reagim zyrtar njofon se ka nisur punën për identifikimin dhe kapjen e autorëve.

Njoftim paraprak i Policisë së Shtetit

Sot, rreth orës 08:50, në zonën e ish-Bllokut në Tiranë, persona ende të paidentifikuar kanë goditur shtetasin S. M., me profesion avokat.

I dëmtuari është dërguar menjëherë në spital për dhënien e ndihmës mjekësore dhe ndodhet nën kujdesin e mjekëve.

Gjendja e tij shëndetësore është e stabilizuar.

Drejtoria Vendore e Policisë Tiranë dhe strukturat e Policisë së Shtetit janë angazhuar për identifikimin dhe kapjen e autorëve./vizionplus.tv