Adriana Kalaja, përfaqësuesja ligjore e Aleancës për Mbrojtjen e Teatrit, bëri me dije për mediat se ka dorëzuar një kërkesë për informacion në bazë të ligjit për të drejtën e informimit pasi kanë konstatuar që në ditën e seancës së Teatrit Kombëtar, Ambasadori i BE-së, Luigi Soreca, ka zhvilluar një takim me kryetaren e gjykatës, Vitore Tusha. Sipas saj, ky takim nuk është bërë publik.
E ftuar në Spotlight nga Alban Dudushi, në Vizion Plus, Kalaja u përfshi n ënjë debat mjaft të fortë me inxhinierin Arben Meçe. Ky i fundit shpërtheu në akuza të forta deri nëmohim të ekzistencës së Aleancës për Mbrojtjen e Teatrit si dhe akuzoi juristen se po e përdor emrin e aleancës për interesat e saj.
Arben Meçe: Aleanca nuk ekziston zonjë dhe ti je një jurist. Aleanca është një institucion i pushtuar prej teje dhe që ti përdor një emër për interesat e tua. Ti e di shumë mirë paligjshmërinë e veprimeve të tua, si juriste.
Adriana Kalaja: Shko në SPAK. I di unë shumë mirë veprimet e mia dhe jam brenda ligjit. Ty të kanë çuar njerëzit që të na intimidosh ne, por ne s’kemi asnjë lloj problem.
Adriana Kalaja: Megjithëse shefat e tu, tutorët e tu, kërkuan ta shembin Aleancën, nuk arritën dot. Nuk ke shance! Aleanca është më e fortë se kurrë
Arben Meçe: Kush të ka paguar zonjë që të përvetësosh dhe të dalësh të bësh thirrje publike për largimin e ambasadorit nga Shqipëria?
Adriana Kalaja: Ambasadori ka shkelë Kushtetutën shqiptare. Dhe unë nuk kam nevojë të paguhem. Je ti që paguhesh. Je një njeri i pështirë që paguhesh për të fyer dhe unë nuk pyes fare sepse jam e pastër në drejtimin tim. Dhe unë luftoj vetëm në bazë të Kushtetutës.