Subscribe

Kryeministri grek Alexis Tsipras ka bërë të qartë për Tiranën zyrtare nëse nuk respekton të drejtat e minoritetit grek nuk do të ketë hapje negociatash.

 

Tsipras tha se ia ka bërë të qartë kryeministrit Rama se mbrojtja e të drejtave të minoritetit grek është një nga kushtet kryesore të Shqipërisë drejt anëtarësimit në Bashkimin Europian ose në të kundërt rruga europiane do të mbyllet.

 

“Nëse Shqipëria përmbush detyrimet e saj për të drejtat e njeriut, Greqia – dhe unë personalisht – do të mbështes një vendim të mundshëm në qershor për Shqipërinë dhe Maqedoninë e Veriut për të filluar proceset e pranimit të BE-së së bashku. . . Por ne nuk do të rrezikojmë procesin e pranimit për Maqedoninë e Veriut, nëse ajo ka bërë përparim. Kjo do të ishte e padrejtë. “

 

Kryeminstri grek u ndal edhe tek çështja e çështjeve të pazgjidhura me Shqipërinë. Teksa e cilësoi marrëveshjen e emrit të arritur me Maqedoninë e Veriut si historike për faktin e vështirësive që ajo mbarte në vetvete, kryeministri grek theksoi se e njëjta logjikë duhet të ndiqet edhe me Shqipërinë, duke përfshirë kufijtë detar, ligjin teknik të luftës që ka ekzistuar mes dy vendeve që nga viti 1945 si dhe statusin e minoritetit etnik grek, aktualisht të ngecura pas një dialogu premtues të nisur në nëntor të 2017-s.

 

Tsipras  u shpreh gjithashtu se duke parë situatën politike por dhe frytete e arritua deri më tani do e synonte një tjetër mandate qeverisës në zgjedhjet e sivjetshme parlamentare që do të zhvillohen brenda 20 tetorit 2019.

 

Kryeministri grek i bëri deklaratat gjatë një intervistë të dhënë për “Financial Times”.

Leave a Reply

Your email address will not be published. Required fields are marked *