Një ngjarje e rëndë ka ndodhur pasditen e së premtes në ishullin Paksos, ku një vajzë 4-vjeçare me origjinë shqiptare humbi jetën tragjikisht pasi ra në një pishinë.
E mitura ishte duke luajtur në oborrin e shtëpisë rreth orës 15:00, kur për pak çaste i shpëtoi vëmendjes së nënës. Pas kërkimeve të menjëhershme, ajo u gjet pa shenja jete në një pishinë rreth 150 metra larg, nga kuzhinieri i një vile turistike aty pranë.
Vajza u dërgua menjëherë në qendrën shëndetësore të ishullit, por pavarësisht ndërhyrjes së mjekëve, nuk arriti të mbijetojë. Ndërkohë, nëna e saj është shoqëruar në komisariat dhe pritet të merret në pyetje nga prokuroria për rrethanat e ngjarjes.
/vizionplus.tv
