Tragjedi në Gjermani, nëna vret dy djemtë adoleshentë dhe më pas veten

Një ngjarje e rëndë ka ndodhur në Villingen-Schwenningen të Gjermanisë. Tre trupa u gjetën pajetë brenda në një banesë.

Mediat gjermane raportojnë se një grua ka vrarë fillimisht dy djemtë e sj dhe më aps veten.

Trupat e pajetë të gruas dhe djemve të saj të moshës 14 dhe 16-vjeç u gjetën në banesë nga bashkëshorti 45-vjeçar i cili ka lajmëruar menjëherë policinë.

Oficerët gjetën një thikë, e cila dyshohet të jetë arma e vrasjes. Sipas hetimeve fillestare, nëna ka vrarë fillimisht dy adoleshentët dhe më pas veten.

Departamenti i Hetimeve Penale ka nisur hetimet e mëtejshme.

Sipas raportit, hetuesit morën në pyetje fqinjët në lagje të martën në mbrëmje ndërkohë që ekipi i mjekësisë ligjore siguruan prova.