Prej fillimit të javës i gjithë rajoni i Ballkanit është përfshirë nga moti i keq, stuhitë e shiut, borës dhe era e fortë kanë dominuar gjatë kësaj jave. Ndërkohë që në Shqipëri, Kosovë, Malin e Zi dhe Kroaci moti ka shkaktuar përmbytje, në Turqi dhe Greqi ka qenë edhe më i ashpër.
Në Giannitsochori Ilia të Greqisë një tornado goditi zonën, duke shkaktuar deri edhe përmbysjen e makinave për shkak të forcës së madhe të stuhisë.
Tregues i ashpërsisë së fenomenit është videoja e makinës që përmbyset të enjten në mëngjes (8 janar), duke zbardhur dita.
Videoja nga një kamera sigurie e publikuar nga “Protothema”, kap momentin se si tornado përmbys makinën si një arrë dhe e lë atë përmbys në rrugë. Shoferi thuhet se nuk është lënduar.
Tornadoja përshkoi zonën brenda pak minutash, duke shkaktuar dëme të shumta në serra, me erën që shkuli edhe hekurin.
Fenomeni zgjati vetëm pak kohë, por intensiteti i tij ishte i mjaftueshëm për të shkaktuar përçarje dhe për të lënë pas dëme.
