“Krimi i organizuar ka frikë nga drejtësia shqiptare”, kjo ishte deklarata e gazetares Aida Topalli mbrëmjen e sotme në Quo Vadis të moderatores Pranvera Borakaj në Vizion Plus, deklaratë që solli diskutime në studio.
Sipas gazetarit Flogert Muça, forca e SPAK-ut vjen “nga lart”, duke iu referuar SHBA-së dhe Bashkimit Europian.
Sipas tij, nëse krimi i organizuar godet SPAK-un, atëherë reagojnë DEA dhe FBI; ndërsa nëse goditet nga politika, përgjigjen SHBA dhe BE.
Pjesë nga biseda:
Topalli: Unë mendoj se krimi i organizuar është i frikësuar nga drejtësia.
Muça: Unë mendoj se prokurorët e ardhur nuk e kanë fuqinë të godasin krimin që përmend Aida apo krimin që përmendim ne, por po e bëjnë sepse kanë një mburojë, një mbështetje.
Topalli: Drejtësisë dhe Zotit nuk u shpëtohet kurrë.
Muça: Kur godasin krimin, janë DEA dhe FBI që reagojnë. Kur godasin politikanët, janë amerikanët, janë anglezët.
