Një shpërthim shumë i fuqishëm që ndodhi në një pikë karburanti, tronditi Romën lindore të premten në mëngjes.
Sipas raportimeve në mediat italiane, shpërthimi u pasua nga një zjarr i madh, ndërsa forca të shumta të Departamentit të Zjarrfikësve, forcave të policisë dhe vullnetarëve të mbrojtjes civile nxituan në vendngjarje.
Të paktën 21 persona janë plagosur (përfshirë policë, zjarrfikës, ekipe shpëtimi dhe kalimtarë), ndërsa stacioni i metrosë aty pranë, Teano, është mbyllur.
⛽ Esplode un distributore a Roma ⛽
Feriti un vigile del fuoco, operatori del 118 e alcuni passanti. Danni a palazzi vicini. Chiusa la fermata metro C Teano.#Roma #Esplosione #Prenestino #Vigilidelfuoco #Emergenze #Cronaca #Benzina #GPL #Centocelle pic.twitter.com/tPLNUNoGvU
— Money.it (@moneypuntoit) July 4, 2025
Ndërtesat kanë pësuar gjithashtu dëme. Banorët ikën menjëherë nga shtëpitë e tyre, ndërsa dëshmitarët okularë raportuan një erë të fortë gazi para shpërthimit të parë.
Pastaj, pasoi një shpërthim i dytë, më i fortë.
“U zgjova papritur, dëgjova një shpërthim shumë të fortë, tingëllonte si një bombë “, tha një dëshmitar që jeton në zonën e Prenestinos.
“Të gjitha dritaret dridheshin, mendova se ishte një tërmet “, tha një dëshmitar tjetër që jeton në Centocelle./vizionplus.tv
