Tre drejtues mjetesh u arrestuan në flagrancë në Durrës pasi u kapen në gjëndje të dehur në timon, ndërsa një tjetër u arrestua si i shpallur në kërkim pasi ka aksidentuar një person.
Shtetasi I. B., 54 vjeç, banues në Durrës, u konstatua nga shërbimet e Policisë, në lagjen nr. 13, Durrës, duke drejtuar mjetin tip “Alfa Romeo”, në gjendje të dehur, në masën 0.86 mg/l.
Shtetasi V. S., 43 vjeç, banues në Durrës, në lagjen nr. 2, Durrës, duke drejtuar mjetin tip “Benz”, në gjendje të dehur, në masën 0.92 mg/l, është përplasur me shtyllën e ndriçimit rrugor.
Shtetasi E. M., 29 vjeç, banues në Durrës, u konstatua nga shërbimet e Policisë, në lagjen nr. 17, Durrës, duke drejtuar motoçikletën pa leje drejtimi.
U ndalua shtetasi i shpallur në kërkim F. K., 45 vjeç, banues në fshatin Bisht Kamzë, Durrës, pasi më datë 17.09.2020, në Fllakë, duke drejtuar mjetin tip “Audi”, pa leje drejtimi, ka aksidentuar shtetasin S. Rr., 70 vjeç dhe më pas është larguar nga vendngjarja.