Një burrë me shtetësi gjermane ka mbetur i vrarë ,ndërsa dy të tjerë janë plagosur pas një sulmi me thikë në një rrugë në qendër të Parisit.
Sulmi ndodhi rreth orës 21:00 të mbrëmjes pranë Kullës Eifel. Një shtetas francez 26-vjeçar i njohur për policinë është arrestuar si i dyshuar për ngjarjen e rëndë. Ministri i Brendshëm Gerald Darmanin tha se viktima, ishte i shoqëruar nga bashkëshortja e tij kur u godit me thikë për vdekje.
Ndërhyrja e një shoferi taksie bëri që gruaja të shpëtonte. Agresori më pas sulmoi dy persona të tjerë, duke i goditur me çekiç. Të plagosurit u dërguan menjëherë në spital dhe ndodhen jashtë rrezikut për jetën.
Përpara se të ndodhte sulmi autori u dëgjua të thërriste “Zoti është më i madhi”, duke bërë që autoritetet të dalin në përfundimin se ka qenë një sulm terrorist.
Përpara policisë agresori ishte shprehur se shumë myslimane po vdesin në Afganistan dhe Palestinë. Autori i krimit ka qenë i dënuar më parë me katër vjet burg për planifikimin e një sulmi tjetër në vitin 2016. Po ashtu ai ka qenë i skeduar edhe si person me probleme të shëndetit mendor.