Një vëllim i konsiderueshëm i plastikës po hyn në ujërat e oqeanit për shkak të rritjes së madhe të prodhimit të tyre dhe keqfunksionimeve në rrjetet globale të menaxhimit të mbetjeve. Megjithëse miliona tonë plastikë përfundojnë në dete, rrugët që ndjekin këto substanca nuk janë studiuar mjaftueshëm.
Një ekip shkencëtarësh nga Universiteti i Torontos dhe instituti qeveritar australian CSIRO studiuan bazat e të dhënave ekzistuese për të kuptuar shtrirjen e problemit të mikroplastikës në dyshemenë e oqeanit. Ekipi vlerëson se 11 milionë tonë ndotje plastike gjenden në thellësi të oqeaneve.
“Ky është vlerësimi ynë i parë i vëllimit të plastikës në fundin e oqeanit, ku akumulohet para se të ndahet në copa më të vogla dhe të përzihet me sedimentin e poshtëm. Ne e dimë se miliona ton mbetje plastike përfundojnë në dete çdo vit, por ne nuk e dinim se sa prej tyre përfundonin në shtratin e detit. Zbuluam se shtrati i detit është bërë depo për pjesën më të madhe të ndotjes plastike që përfundon në det”, tha Dr Denise Hardesty, nga instituti australian. /vizionplus.tv
