Stephen Curry nuk ka ndërmend të largohet nga Golden State Warriors. Superylli amerikan, 38 vjeç, ka bërë të qartë se dëshira e tij është të qëndrojë te San Francisko deri në fund të karrierës.
“Nuk ka asnjë dyshim se dua të jem këtu deri në fund të karrierës sime dhe jam absolutisht i bindur se kjo do të ndodhë”, është shprehur Curry, duke konfirmuar lidhjen e fortë me skuadrën që e zgjodhi në vitin 2009.
Curry është pjesë e Warriors që prej vitit 2009 dhe gjatë këtyre viteve është shndërruar në figurën kryesore të një prej periudhave më të suksesshme në historinë e klubit. Katër tituj NBA dhe rekord historik për trepikëshat e realizuar e kanë konsoliduar statusin e tij si një prej basketbollistëve më të mëdhenj të të gjitha kohërave.
Tashmë, çështja kryesore është kontrata. Curry është në vitin e fundit të marrëveshjes aktuale, e cila i garanton rreth 62.6 milionë dollarë, ndërsa është bërë i disponueshëm për një zgjatje të re.
Sipas raportimeve të fundit, ai mund të nënshkruajë një kontratë dyvjeçare me vlerë deri në 136.7 milionë dollarë, që do ta mbante te Warriors deri në moshën 40-vjeçare.
