Pas Spitalit Infektiv, edhe Spitali “Shefqet Ndroqi” do të kthehet në karantinë për trajtimin e të prekurve me COVID-19. Ekspertja e ISHP, Silva Bino tha për mediat se kjo gjë bëhet për të ulur fluksin në Infektiv. Ajo theksoi se do të nisë zëvendësimi i personelit mjekësor
“Spitali “Shefqet Ndroqi” do të kthehet në spital COVID, sipas skenarëve, për të lehtësuar edhe fluksin në spitalin Infetiv dhe Ministria e Shëndetësisë po merr masa për zëvendësimin e personelit me mbi 2200 vullnetarët që i janë përgjigjur thirrjes për të ndihmuar stafet mjekësore në terren. Dua të bëj një apel për mjekët të zbatojnë me kujdes masat mbrojtëse për parandalimin e infeksionit.”
Ajo përsëriti thirrjen që qytetarët që kanë shqetësimë shëndetësore të mos paraqiten në spital, por të telefonojnë 127.