Situata e krijuar ne Ministrinë e Brendshme pas mosdekretimit te Sander Lleshit ne krye te këtij dikasteri, ka shqetësuar edhe Bashkimin Europian.
Ambasadori i BE ne Tirane Luixhi Soreka i kërkon politikes shqiptare te riktheje normalitetin ne kete institucion per te vijuar luftën kundër krimit te organizuar nje nga pese kushtet për anëtarësim.
Muajt e fundit jane kryer operacione te rëndësishme ne luftën kundër krimit te organizuar. Beteja me krimin e organizuar, trafiqet, drogën duhet te vazhdoje. Bashkimi Europian pret nga Shqipëria veprime dhe rezultate konkrete. Kërkojmë funksionimin e plote te Ministrisë se Brendshme per te vazhduar luftën kundër krimit te organizuar, nje nga 5 kushtet e Shqipërisë per anëtarësimin ne Bashkimin Europian. Duhen veprime te konsoliduara qe Shqipëria te jete pjese e BE.
Apeli i diplomatit të lartë vjen në kohën Ministria e Brendshme ka në veprim dy operacione në shkallë të gjerë: forca e ligjit dhe ndëshkimi i të fortëve. Një ditë më parë, ish ministri Xhafaj në fjalën e lamtumirës me policët, foli për rezultate pozitive në bashkëpunim me partnerët europiane.
