Kremlini njofton takim trepalësh midis Rusisë, SHBA-së dhe Ukrainës në Abu Dhabi
Rusia, Shtetet e Bashkuara dhe Ukraina pritet të zhvillojnë bisedime trepalëshe në Abu Dhabi gjatë gjysmës së parë të nëntorit. Lajmi u bë i ditur nga zëdhënësi i Kremlinit, Dmitry Peskov, i cili nuk përjashtoi mundësinë e përfshirjes së vendeve europiane në negociata.
Sipas agjencisë ruse TASS, diskutimet pritet të përqendrohen te garancitë e sigurisë për Rusinë dhe Ukrainën pas arritjes së një marrëveshjeje paqeje.
I pyetur nëse negociatat mund të zgjerohen në një format katërpalësh me pjesëmarrjen e Europës, Peskov deklaroi se asgjë nuk mund të përjashtohet paraprakisht. Megjithatë, ai sqaroi se takimi i planifikuar në Abu Dhabi do të zhvillohet në formatin trepalësh.
Deri më tani, nuk ka një konfirmim për pjesëmarrjen e vendeve europiane në këto bisedime.
