Kryetari i Partisë Demokratike Lulzim Basha akuzon kryeministrin Edi Rama se po përdor Emiljano Shullazin në garën për rektor të Universitetit të Tiranës. Në një postim në rrjetin social facebook, Basha shkruan se; Pasi i dha gjithë mbështetjen qeveritare në aferat e pista të trafikut e gjobvënies, pasi i hapi doganat dhe i dha poste kyçe në polici, dhe çelësat e kafazit te Tahirit, Edi Rama kërkon ta caktoje Emiliano Shullazin edhe shef të botës akademike. Kreu i PD shton se Shullazi është modeli dhe koncepti i Edi Rames për zgjedhjet, sepse ai nuk i njeh ato si garë, si konkurrence, por vetëm si instrument për të kapur e mbajtur pushtetin, siç bëri në 2013 dhe 2015. Ndërkohe ne një postim ne rrjetin social facebook ministri i Brendshëm Saimir Tahiri i quan një degradim moral e politik akuzat e kreut te demokrateve Lulzim Basha. Sipas Tahirit ne ketë histori ka vend shprehja “qentë le te lehin e karvani ecën përpara”. Ministri i brendshëm shkruan se policia provoi se nuk ka asnjë person te mbrojtur mbi ligjin.
