Më shumë se 15 raste të “skllavërisë moderne” regjistrohen në Oxfordshire çdo muaj, tregojnë shifrat, raporton BBC.
Me raste të “skllavërisë moderne” raporti nënkupton ata që detyrohen të vjedhin, të lypin, të shesin drogë apo të shfrytëzohen për prostitucion.
Mes rasteve, përfshihet edhe një bordello në një bujtinë ku turistët që qëndronin për disa kohë shfrytëzoheshin financiarisht nga pronarja, tha koordinatorja kundër skllavërisë i qarkut, Nicola Bell.
Në një raport për Këshillin e Qytetit të Oksfordit, ajo tha se 379 raste u regjistruan midis janarit 2022, kur u krijua roli i saj, dhe dhjetorit 2023.
Ajo tha se 43 viktima ishin marrë nën mbrojtje.
Zonja Bell theksoi suksese të tjera, duke përfshirë mbylljen e dy shtëpive publike dhe një burri që u ristrehua pasi u kërcënua nga tregtarët e drogës.
Më shumë se gjysma e viktimave në Oxfordshire ishin britanikë, shqiptarë ose rumunë, thuhet në studim./vizionplus.tv
