Shefja e spitalit Infektiv Najada Çomo ka denoncuar një vajzë të re nga Berati, pasi kjo e fundit e kërcënonte prej dy javësh.
Ajo e telefononte prej datës 28 janar dhe e shqetësonte duke iu drejtuar me fjalë banale, raporton Vizion Plus.
E reja nuk hiqte dorë nga telefonatat, e kjo u bë shkak që Çomo ta kallëzonte rastin në polici.
Çomo ka bërë denoncim dhe çështjen e ka marrë në dorë prokuroria e Tiranës.
Thirrjet telefonike keqdashëse që bëhen me qëllim për të prishur qetësinë e tjetrit, përbëjnë kundërvajtje penale dhe dënohen me gjobë ose me burgim deri në një vit.