Shpërthim i fuqishëm në një fabrikë fishekzjarresh në Kinë, 9 të vdekur dhe 26 të plagosur
Një ngjarje e rëndë ka tronditur Kinën një ditë më parë. Një shpërthim në një fabrikë fishekzjarrësh në provincën jugore Hunan vrau 9 persona dhe plagosi 26 të tjerë, raportuan mediat shtetërore.
Aksidenti ndodhi në fabrikën Shanzhou Fireworks Co, pranë qytetit Changde, pak para orës 8:30 të mëngjesit të së hënës, raportoi agjencia shtetërore e lajmeve Xinhua.
Shërbimet e emergjencës u mobilizuan menjëherë me 28 cisterna uji dhe mbërritën në vendngjarje për të ndihmuar në operacionet e shpëtimit.
Breaking: Massive Explosion at Shanzhou Fireworks Factory in Hunan, China, Injures Nine and Leaves Two Missing at 8:23 AM on June 16, 2025 pic.twitter.com/q0gaNNnQ8w
Reklamë— TheIllusionist (@John420_69_420) June 16, 2025
Zjarrfikësit u përballën me kushte veçanërisht të pafavorshme, pasi kishte rrezik në rritje për shpërthime të reja, gjë që e bëri punën e tyre dukshëm më të vështirë.
Qeveria provinciale e Hunanit ka ngritur tashmë një komitet të posaçëm hetimor për të hetuar shkakun e shpërthimit.
Incidenti tragjik i shtohet një liste të gjatë aksidentesh industriale që nxjerrin në pah problemet e vazhdueshme me standardet e sigurisë në vendin e punës në Kinë.
Vetëm muajin e kaluar, një shpërthim në një fabrikë kimike në Weifang, provinca Shandong, vrau 5 persona dhe plagosi 19 të tjerë. Në prill, 22 persona vdiqën pas një zjarri në një restorant në qytetin verior kinez të Liaoyang./vizionplus.tv
